EntreNós

Imprimir

O BNG pídelle ao goberno local que reactive o voluntariado municipal para prestar axuda a persoas afectadas pola Covid-19

Redacción | 12 de agosto de 2020

Avia Veira
Avia Veira

A concelleira do BNG Avia Veira rexistrou este mércores un rogo escrito para que o Goberno Local reactive o voluntariado municipal que se puxo en marcha durante o pasado confinamento.

A Coruña, a 12 de agosto de 2020.- Perante a repunta nos casos positivos de Covid-19 na nosa cidade, moitas persoas vense obrigadas a gardar corentenas nos seus domicilios sen disporen en ocasións de axuda para cousas tan básicas como ir facer a compra ou baixar o lixo.

O asunto é especialmente grave para aquelas persoas de idade avanzada ou con mobilidade reducida que viven soas.

As “corentenas preventivas”, ben como “os tratamentos domiciliarios das persoas contaxiadas e con Covid-19”, xunto co fechamento dos centros de día e as escolas infantís “están a supoñer unha dificultade inmensa para sobrelevar o día a día” para moitas persoas. De aí a necesidade de reactivar o servizo de voluntariado municipal “redimensionándoo e adaptándoo á situación actual”, subliña a concelleira nacionalista.

Puede ver este artículo en la siguitente dirección /articulo/actualidade-coruna/bng-pidelle-ao-goberno-local-reactive-voluntariado-municipal-prestar-axuda-persoas-afectadas-pola-covid-19/20200812203823010163.html


© 2020 EntreNós