A rede de centros cívicos da cidade acollerá festas e talleres infantís, con inscrición de balde, para celebrar o Samaín
Samaín
Entre os días 27 e 31 de outubro, a rede de centros cívicos da cidade acollerá unha ampla programación de festas e actividades no contexto da celebración do Samaín, con talleres de títeres, cociña e arañas que estarán especialmente orientados ás nenas e nenos.
Para asistir aos talleres, promovidos pola Concellaría de Benestar Social, Igualdade e Participación Cidadá, e que serán de balde, só é preciso cubrir o formulario de inscrición habilitado en cada un dos centros cívicos que toman parte nesta iniciativa. As datas e horarios dos talleres son os seguintes:
Xoves 27 de outubro (17.30 a 19.00 horas)
Taller de títeres no centro cívico da Sagrada Familia.
Taller de arañas no centro cívico de Feáns.
Venres 28 de outubro
Taller de cociña terrorífica no centro cívico de Visma (de 18.30 a 20.00 horas).
Taller de títeres no centro cívico de Santa Margarita (de 17.30 a 19.00 horas).
Sábado 29 de outubro
Taller de títeres no centro cívico de Santa Lucía (de 11.00 a 12.30 horas).
Taller de títeres no centro cívico de Artesáns (de 11.30 a 13.00 horas).
Lunes 31 de outubro (de 11.00 a 12.30 horas)
Taller de títeres no centro cívico de A Silva.
Taller de títeres no centro cívico de Pescadores.
Ademais, tamén entre os días 27 e 31 de outubro, nos centros cívicos celebraranse festas infantís de Samaín, con arranxo ao seguinte calendario e un horario unificado (de 17.00 a 20.00 horas):
Xoves 27 de outubro: Centro cívico de Labañou.
Venres 28 de outubro: Centros cívicos de Monelos, Cidade Vella e Os Rosales.
Sábado 29 de outubro: Centros cívicos de Novo Mesoiro, Castrillón, Monte Alto, Eirís e Os Mallos.
Domingo 30 de outubro: Centro cívico de Novoboandanza.
Luns 31 de outubro: Centros cívicos de Palavea e Elviña.
Para asistir a estas festas infantís só hai que inscribirse nos centros cívicos correspondentes. As entradas adxudicaranse por rigurosa orde de inscrición ata completar a capacidade prevista.
Neste sentido, a programación infantil polo Samaín volve á normalidade tras celebrarse o ano pasado baixo a normativa sanitaria vixente por mor da pandemia, coas restricións marcadas polas autoridades no referente aos límites de capacidade e medidas de prevención individuais para evitar contaxios pola covid-19.
