eleccións municipais
Sande creará o Bono Antiinflación para axudar ás familias coruñesas coa cesta da compra
![Sande no mercado](/asset/thumbnail,992,558,center,center/media/entrenosagra/images/2023/05/08/2023050813360286238.jpg)
Este bono, que pretende axudar ás familias coruñesas coa cesta da compra, trátase dunha tarxeta moedeiro que permitirá mercar no pequeno comercio e tendas de alimentación de barrio, e estará vencellada á renda familiar.
Con esta medida, Sande busca ofrecer un apoio económico directo para combater a alza dos prezos dos alimentos, que nos últimos meses tivo un importante impacto nas economías familiares. A iniciativa busca mobilizar recursos do Concello para facer posible a creación deste Bono Antiinflación, que pretende axudar tamén ao comercio local.
O compromiso de Sande coa veciñanza e coa creación dun Goberno local que non deixe a ninguén atrás vese reflectido nesta proposta. A tarxeta moedeiro irá vencellada á renda familiar e permitirá adquirir alimentos no comercio de proximidade e tendas especializadas dos barrios, o que axudará ás familias a aforrar e a mercar produtos de calidade.