Eva Veiga e Baldo Ramos dan a coñecer Quérote canto, a súa obra conxunta editada por Galaxia, nun acto na Luís Seoane que contará coa presentación de Teresa Seara e o acompañamento musical de Bernardo Martínez e Fito Ares.
Pola limitación no aforo, recoméndase realizar reserva no 981 216 015.
"Dende un mesmo espazo compartido -o silencio- abrollan os poemas que, seguindo camiños paralelos, acabarán por desembocar nun texto-libro onde a determinación da autoría se dilúe a prol da afluencia e a resonancia. Baldo Ramos e Eva Veiga deciden internarse uns días no mosteiro de Oseira, mais sen compartir durante a estadía o que pensan nin o que escriben. O resultado é a comprensión unha vez máis, de que a poesía é o verdadeiro territorio común, o lugar propicio da nosa soidade vinculada." (Ed. Galaxia).
Eva Veiga e Baldo Ramos dan a coñecer Quérote canto, a súa obra conxunta editada por Galaxia, nun acto na Luís Seoane que contará coa presentación de Teresa Seara e o acompañamento musical de Bernardo Martínez e Fito Ares.
