A obra, que se configura como un ensaio, pon en valor a filosofía como ferramenta fundamental na educación, destacando a importancia do desenvolvemento do pensamento crítico para alcanzar a plenitude dos valores e capacidades do proceso ensinanza-aprendizaxe.

"Da caverna a acrópole" indaga nas posibilidades que ofrece a filosofía como materia educativa, buscando establecer un lugar actual onde poida axudar ao desenvolvemento crítico do estudantado. A través dun percorrido poético, o libro unifica o ser e as súas expresións co pensamento e a educación, ampliando a mirada sobre a realidade e aportando propostas educativas interesantes.

O autor, Ciro Briones, natural de Pobra do Caramiñal, desenvolveu gran parte da súa obra e escribiu este libro durante a súa estancia en Polonia no ano 2021. Coa mirada posta na educación, Briones afianza a súa paixón pola literatura e a filosofía, atopando na escrita un espazo de crecemento persoal.

Ademais, Ciro Briones ten sido recoñecido en diversos certames literarios, gañando premios de poesía e ensaio en varias ocasións, incluíndo o 1º Premio de Poesía 2020 da Universidade de Vigo e o 1º Premio Xuventude Crea 2020 e 2022.

Na presentación do libro acompañará ao autor Ana Fernández Soneira, prologuista, titora de tese e doutora do departamento de lingua española da Universidade de Vigo.