Acampa pola paz e o dereito a refuxio

Aberto o prazo para presentar candidaturas ao III Recoñecemento Internacional Acampa á Defensa dos Dereitos Humanos

Ata o 15 de febreiro poderán presentarse propostas tanto á categoría internacional como local. Neste caso, as candidaturas estarán referidas ao ámbito galego. 
Aberto o prazo para presentar candidaturas ao III Recoñecemento Internacional Acampa á Defensa dos Dereitos Humanos
Recoñecemento Acampa. Pieza creada por Pilar Subías
Recoñecemento Acampa. Pieza creada por Pilar Subías

A Coruña, 24 de xaneiro de 2023.- A Rede Acampa pola Paz e o Dereito a Refuxio busca un ano máis a complicidade de todas as organizacións e particulares que a integran para a presentación de candidaturas á terceira edición dos Recoñecementos Internacionais Acampa á Defensa dos Dereitos Humanos nas dúas categorías que se outorgan, a internacional e a local (Galicia). Trátase de elixir entre todos aos merecedores do aplauso colectivo do Movemento Acampa pola defensa dos Dereitos Humanos, o Dereito a Refuxio e a Defensa da Paz e o Diálogo como maneira de resolver os conflitos.  

O proceso é moi sinxelo. Todas as organizacións que - con carta de adhesión-  integran a Rede Acampa Internacional, as persoas que consten rexistradas como asociadas á mesma, e os equipos de coordinación locais de Acampa Internacional poden presentar as súas propostas. Só hai que facer chegar dixitalmente, ao correo electrónico [email protected] un breve resumo dos motivos da proposta, con fotografía do candidato/candidata ou logotipo da organización e biografía ou memoria dos mesmos. Está todo ben detallado na ligazón:  https://redeacampa.org/gl/iii-reco-bases-acampa-2023/ 

O Recoñecemento pretende pór o foco mediático e evidenciar a situación de retroceso dos Dereitos Humanos en todo o mundo e a importancia de recuperalos e defendelos coa forza e resiliencia que demostran os receptores deste Recoñecemento. 

O prazo para presentar candidaturas para o Recoñecemento Acampa á Defensa dos Dereitos Humanos 2023 finaliza o 15 de febreiro

Votacións 

Unha vez pechado o prazo de presentación de candidaturas, abrirase un prazo de votación no que poderán participar todas as persoas acreditadas como asociadas a unha das organizacións Acampa e todas as organizacións da Rede Acampa (cun voto por organización).  A votación para o Recoñecemento Acampa 2023 poderá exercerse entre o 1 e o 31 de marzo. 

Aberto o prazo para presentar candidaturas ao III Recoñecemento Internacional Acampa á Defensa dos Dereitos Humanos