Criminalización da loita polos dereitos humanos

Acampa apoia a Helena Maleno

A política migratoria da Unión Europea bota ao Mediterráneo cada ano a decenas de miles de persoas. Moitas delas morren no xa coñecido como “Mare Mortum”.
Diversas Ong actúan tratando de salvar vidas no medio do acoso das autoridades europeas.

Acampa apoia a Helena Maleno
Rolda de prensa de Acampa nos Xardíns de Méndez Núñez
Rolda de prensa de Acampa nos Xardíns de Méndez Núñez

Helena Maleno, portavoz de Caminando Fronteras, traslada a Salvamento Marítimo os avisos que lle chegan cada vez que unha embarcación con persoas migrantes atópase á deriva entre Marrocos e España. Así, desde Salvamento Marítimo consideran que o labor de Maleno é “providencial” para as tarefas de rescate, para a salvagárda de vidas humanas... "Non esaxero se digo que posiblemente Maleno sexa a persoa que máis vidas salvou no Estreito". Así o aseguraba Miguel Zea, xefe do Centro de Coordinación de Salvamento Marítimo de Almería, nunha entrevista recente.

Con todo, Helena Maleno está a ser, segundo diversos medios, obxecto de acoso por parte da UCRIF (Unidade Central de Redes de Inmigración Ilegal e Falsidades Documentais) dependente da Policía Nacional, quen solicitou a colaboración de Marrocos facilitando un informe policial sen mencionar que xa foi descartado pola Audiencia Nacional española.

Helena Maleno compareceu ante o xuíz do Tribunal de Apelación de Tánxer, como investigada por un suposto delito de favorecer a inmigración irregular. Este delito leva penas de ata cadea perpetua.

Acampa pola paz e ou dereito a refuxio denuncia este proceso como un castigo exemplarizante para alguén que leva tempo denunciando as violacións de dereitos humanos nas fronteiras españolas e, de paso, como unha clara mensaxe a outros defensores de dereitos humanos. É un intento de criminalizar ás persoas que defenden o dereito á vida.

Desde Acampa queremos sumarnos á gran onda de apoio e trasladar a Helena todo o noso recoñecemento, agarimo e solidariedade ante a próxima comparecencia o 31 de xaneiro. Compartimos os principios de defensa do dereito á vida nas fronteiras e rexeitamos o acoso e a criminalización que se está facendo do traballo de Helena e doutras persoas defensoras de dereitos humanos.

Acampa apoia a Helena Maleno