Este informe, publicado o mes pasado, aborda a difícil realidade que enfrontan as persoas migrantes para homologar os seus títulos universitarios, con especial énfase no campo da psicoloxía. No documento, destácase a incidencia do racismo institucional e a cronificación de problemas de saúde mental entre a poboación afectada. O informe tamén sinala que o factor sexo/xénero desempeña un papel clave, especialmente no caso das mulleres migrantes que buscan a homologación dos seus títulos, sendo consideradas un grupo de risco.

A presentación correrá a cargo de Gabriela Frias Goytia, psicóloga boliviana afincada na Coruña e coordinadora do CEMDRI, e de José María Casas, psicólogo arxentino afincado en Tarragona e voceiro do Movemento de Psicólogas e Psicólogos Migrantes. Ambos explicarán o impacto que está a ter a loita pola homologación de títulos estranxeiros en España, centrando o debate no ámbito da psicoloxía.

Ademais, destacarán a importancia da loita colectiva que diferentes colectivos de profesionais estranxeiros levan anos realizando para poder exercer as súas profesións no país. Esta actividade é de balde e está aberta ao público en xeral. Para máis detalles, pódese consultar a seguinte ligazón: acalexandreboveda.gal/Event/que-segue-agora/.