BNG | nota de prensa

Ana Miranda: “Comeza unha etapa histórica no Brasil de triunfo da democracia e loita contra a desigualdade”

A eurodeputada do BNG asistiu en Brasilia á toma de posesión de Lula como presidente de Brasil

Ana Miranda: “Comeza unha etapa histórica no Brasil de triunfo da democracia e loita contra a desigualdade”
A Miranda con Marina Silva, ministra de medio ambiente
A Miranda con Marina Silva, ministra de medio ambiente

Bruxelas, 2 de xaneiro de 2023. A eurodeputada do BNG, Ana Miranda, asistiu onte en Brasilia á toma de posesión de Lula da Silva como novo presidente de Brasil –no seu terceiro mandato-, nunha xornada cargada de emoción e simbolismo, que segundo salienta Miranda representa o inicio dunha nova “etapa histórica de triunfo da democracia contra o fascismo e que abre un tempo de esperanza no noso País irmán”.

“É unha honra e unha grande emoción estar en Brasilia representando ao Bloque e ao grupo parlamentar de Bruxelas nun día tan importante para os pobos do mundo”, subliña a eurodeputada nacionalista, quen formou parte das máis de 53 delegacións internacionais que asistiron á toma de posesión do presidente electo de Brasil no Palacio do Planalto e que posteriormente foron recibidas no ministerio de Exteriores da capital brasileira. 

“O novo goberno de Lula pon de manifesto que despois de anos de bolsonarismo hai que reconstruír o Brasil cunhas marcadas prioridades, como a loita contra a pobreza, o medio ambiente, a igualdade e a aposta polos servizos públicos, así como a volta á integración latinoamericana e ao multilateralismo internacional”, explica Miranda en referencia ao discurso do presidente Lula.

A MIranda con Sonisa Guajajara,. ministra de pobos indíxenas
A MIranda con Sonisa Guajajara,. ministra de pobos indíxenas

Saúdos da Executiva do Bloque

Ademais de participar nos diversos actos oficiais programados con motivo da “Posse”, Ana Miranda mantivo encontros coa presidenta do Partido dos Trabalhadores de Brasil (PT) Gleisi Hoffmann, así como con varias integrantes do novo goberno do presidente Lula, como a nova ministra de Pobos Indíxenas, Sonia Guajajara, e a ministra de Medio Ambiente, Marina Silva

A eurodeputada do BNG transmitiulle á presidenta do PT os saúdos da Executiva Nacional do BNG e da Portavoz Nacional Ana Pontón e, pola súa banda, Gleisi Hoffmann agradeceu o apoio incondicional do Bloque durante a inxusta prisión de Lula apoiando diversos actos e campañas solidarias en Galiza e Bruxelas, así como as relacións históricas entre ambas formacións políticas.

Comentarios
Ana Miranda: “Comeza unha etapa histórica no Brasil de triunfo da democracia e loita contra a desigualdade”