Encontros Art Coruña continúa a súa andaina este mércores 27 de marzo, ás 20h, no Círculo de Artesáns, como parte dun programa organizado por Les Coruña e o Concello de A Coruña para poñer en valor a contribución das mulleres en distintos ámbitos culturais e emprendedores.

Nesta nova sesión, os asistentes terán a oportunidade de disfrutar da obra do artista Alfonso Costa, así como de mergullarse na poesía do Grupo Ouriol, formado por Bernardo Martínez, Fito Ares, Alfonso Costa e Eva Veiga. Ademais, haberá unha cata de viños guiada por Mercedes Touzón, na que se degustarán os viños de Bodega Xulia Bande, propiedade de Xulia Mar Bande Pivida, na denominación de orixe Ribeiro.

Esta sesión de Encontros Art Coruña non só ofrece unha experiencia cultural única, senón que tamén pon en valor o traballo das mulleres no ámbito vitivinícola, cunha cata de viños producidos por mulleres viticultoras.

Este evento forma parte dunha serie de actividades que se están desenvolvendo durante o mes de marzo, co obxectivo de destacar o papel das mulleres en diferentes facetas da vida cultural e empresarial da cidade. Este domingo 31 de marzo, Encontros Art Coruña pechará con chave de ouro cun encontro de emprendedoras, coa participación do Coro Cores, a actuación de Polos Opuestos, presentación do poemario Sensonauta de Patricia Fernández e moitas outras actividades ao longo do día.

Les Coruña, a asociación de referencia no ámbito europeo no 2024, continúa traballando arduamente para promover a igualdade e a diversidade na cidade, organizando eventos como Encontros Art Coruña e outras accións periódicas, como os encontros mensuais "Una habitación propia" e o Coro Coruña Cores.