Manuel Díaz González, coñecido como "o médico dos pobres" pola súa dedicación á atención médica gratuita das persoas con poucos recursos económicos, tamén era chamado "o pequeniño do Incio" pola súa baixa estatura, consecuencia dun problema de crecemento causado por unha meninxite na súa infancia.

O documental foi producido co apoio económico das deputacións da Coruña e de Lugo, pola asociación A Memoria é Náufraga, que creou en Bóveda o centro cultural A Casa da Memoria, situado no lugar onde Manuel Díaz se refuxiou durante tempos de guerra.

A parte técnica do documental conta con talentosos profesionais galegos, como Federico A. Rioboo na dirección e guion, Arián Quinteiro como operador de cámara, e Miguel Seixo como sonidista. A Banda Sonora Original foi composta por Alberto Vilas, que recibiu os Premio Martín Códax da Música en 2017 e 2021.

Tras a proxección, haberá unha mesa redonda co director Federico A. Rioboo e a participación de Mª Patricia Castro Vázquez e Julio Costa Madriñán, presidenta e tesoureiro da Asociación A Memoria é Náufraga.

Este evento, parte das actividades de “Agra no Ágora”, é de acceso libre e gratuíto, financiado polo Concello da Coruña en colaboración coa Asociación veciñal Agra.