Edita o calendario LilAgra 2017, en que doce mulleres do barrio dan o seu punto de vista sobre a Violencia de Xénero.

A Asociación Veciñal Agra actúa fronte a violencia de xénero

A Secretaria da Asociación, Marisol, di: “Para nós é prioritario erradicar a violencia de xénero; non é un tema illado, está presente en tódolos ámbitos e, por isto, moitas das formas da violencia de xénero pasan desapercibidas

A Asociación Veciñal Agra actúa fronte a violencia de xénero
Lilagra
Lilagra

"Acabamos vendo ou asumindo como normais comportamentos, ideas, crenzas etc que non o son, mais que conforman o noso imaxinario e pautan as nosas relacións e vivencias, mesmo contra toda evidencia, por exemplo: na realidade sabemos da forza de moitísimas mulleres que sosteñen, coidan e protexen persoas, grupos e familias, mais seguimos aturando o conto de que a muller precisa dun home que a protexa. 

Este é un dos moitos clixés que mantén o patriarcado (o dominio do home sobre a muller en tódolos eidos). 

Cómprenos visibilizar as formas sutís de violencia para combatelas todas.”

Hai tempo que a asociación participa nas mobilizacións convocadas pola Marcha Mundial das Mulleres e outras entidades do movemento feminista galego, e aplica a perspectiva de xénero no seu labor; LilAgra será unha porta máis para debater e actuar no camiño da equidade de xénero.

Comentarios
A Asociación Veciñal Agra actúa fronte a violencia de xénero