POIG | nota de prensa

A POIG reclama unha Lei de Infancia para os nenos, nenas e adolescentes en Galicia

 O 22 de febreiro, a Plataforma de Organizacións de Infancia de Galicia (POIG),  celebrou a  súa  primeira Asemblea  Xeral  do ano 2022.
A POIG reclama unha Lei de Infancia para os nenos, nenas e adolescentes en Galicia
Asamblea POIG 2022
Asamblea POIG 2022

Santiago de Compostela – 24 de febrero. Na mesma se aprobou por unanimidade o Plan de Acción que rexerá os proxectos da POIG durante os próximos meses. 

Ademais do fortalecemento da propia entidade, a Asemblea determinou outros dos seus obxectivos estratéxicos:

  • Incidencia política e social polos dereitos da Infancia. Neste punto cabe destacar a necesidade de ter unha Lei de Infancia, que destacase aos nenos, nenas e adolescentes nun primeiro nivel en canto a todas as normativas e administracións existentes na comunidade.
    Ademais neste punto a POIG iniciará unha rolda de contactos para poñer encima da mesa o contido do Informe sobre a Situación da Infancia en Galicia que se presentou con motivo do Día do da Infancia 2021 xunto á Valedora do Pobo.
    Tamén a Lei Orgánica de Protección Integral á Infancia e á adolescencia fronte á violencia (LOPIVI) é outro punto deste plan de acción pola súa importancia de asentamento na Comunidade Autónoma.
  • Promover a mellora do Sistema de Protección de Menores galego (SPM). A Asemblea aplaudiu a posta en marcha dun grupo de traballo entre a  POIG, a Xunta e as xefaturas territoriais da Coruña, Lugo, Ourense e Pontevedra. Entre outras cuestións, aprobáronse como obxectivos estratéxicos: o establecemento dun documento de necesidades a abordar polo SPM; o apoio á Xunta para a revisión de protocolos e circulares e reivindicar a voz dos equipos que acompañan á infancia nas entidades.
  • Promoción da participación infantil. Desde a POIG traballarase todo o ano para que o seu incipiente Grupo de Participación Infantil e Adolescente se consolide e se defendan os seus dereitos.  Neste senso a Asemblea aprobou un ano máis a celebración do Día da Infancia (20N), unha xornada na que está prevista que haxa un acto central en coordinación coa Xunta e varios actos descentralizados en todas as provincias.

 

A POIG reclama unha Lei de Infancia para os nenos, nenas e adolescentes en Galicia