No encontro participaron unha vintena de entidades que traballan pola vivenda digna e coas persoas sen fogar, xunto á voceira e vicevoceiro municipais da Marea Atlántica, María García e Iago Martínez, xunto co concelleiro de Urbanismo e Mobilidade, Juan Díaz Villoslada, e a concelleira de Benestar Social, Yoya Neira. Esta rolda de encontros coa sociedade organizada continuará o venres,

O acordo sobre políticas de vivenda asinado pola Marea Atlántica e o PSOE en decembro ten dúas vertentes. A máis inmediata, que suporá destinar nove millóns de euros en 2022 a medidas como unha bolsa de alugueiro social, a compra de inmobles e soares para a promoción de vivenda pública e o aumento das axudas á rehabilitación, entre outras cousas.

E a segunda vertente, a que se puxo hoxe sobre a mesa, é un cambio na planificación das políticas de vivenda do concello, para achegalas máis ás necesidades da xente e menos ás do mercado inmobiliario, e para facelo dun xeito aberto e participado.