Foron dous días de música en vivo, música popular galega e moita festa nas Cunchiñas e arredores. A FoliAgra comezou con calor intenso e un roteiro de gaitas e pandeiretas o sábado pola mañá, e rematou fresquiña o domingo. Houbo xente, bailaríns e intención de mellorar o ano que vén. Despois de tres edicións en constante crecemento, a FoliAgra consolídase como a gran festa do barrio.