A Federación de Asociacións veciñais da Coruña e área metropolitana ten un compromiso firme cos dereitos  humanos e co rexeitamento de todo tipo de terrorismo, violencia e formas de odio e reclama, porque é a  base do movemento veciñal, un marco de paz como base para o diálogo e a construción de sociedades  respectuosas, igualitarias e diversas.  

Queremos manifestar o noso total rexeitamento aos tráxicos acontecementos que se estaban  desenvolvendo en distintos puntos do planeta, como a invasión rusa de Ucraína, o ataque de Hamas do 7 de outubro e a invasión e ataque do exército israelí contra a poboación da franxa de Gaza. Pero en concreto,  a gravidade da situación en Gaza foi empeorando dramaticamente e xa o ano pasado no marco do Consello Confederal da Confederación Estatal de Asociacións Veciñais (CEAV) aprobouse unha resolución de apoio  ao pobo palestino reclamando medidas concretas e eficaces contra o xenocidio da Franxa de Gaza.  

Atendendo aos informes publicados por ONGs e organismos internacionais1, pódese afirmar que, dende  outubro de 2023, os ataques israelís mataron directamente a máis de 60.000 persoas, incluído nelas a 18.000 nenos. Hai un contexto especialmente grave para unha poboación infantil cun 92% dos nenos (entre  6 meses e 2 anos) que non reciben suficiente comida e polo tanto están nun escenario de fame e  desnutrición severa. Esta situación empeora cada día pola situación de bloqueo total imposta e as  limitacións a axuda humanitaria, así como a destrución sistemática da infraestrutura hospitalaria, de servizos básicos, vivenda e terreos agrícolas. Todo isto somete a poboación do territorio a condicións de  vida que están provocando a súa destrución, o que cumpre co artículo II da Convención sobre o xenocidio, así como obrigando a desprazarse a poboación do territorio (1,9 millóns de persoas desprazadas a novembro de 2024 segundo a OCHA). Esta situación de xenocidio está sendo denunciada abertamente pola  relatora da ONU, Francesca Albanese2. 

Ante a comisión destes gravísimos crimes contra a poboación palestina, contrarios ao dereito humanitario  e internacional, como movemento veciñal, sensible e solidario 

RECLAMAMOS 

• PRIMEIRO.- O respecto e cumprimento inmediato da decisión da Corte Internacional de Xustiza da Nacións Unidas, moi particularmente a dirixida a que Israel tome as medidas necesarias para evitar actos de xenocidio. 
• SEGUNDO.- O respecto e cumprimento inmediato do dereito internacional humanitario e que se  permita a entrada de axuda á franxa de Gaza. 
• TERCEIRO.- O cesamento dos ataques e o asedio á poboación civil, o fin de envío (por tódolos países) de armas a Israel, así como a liberación de todas as persoas secuestradas e encarceradas inxustamente.
• CUARTO.- O cese das hostilidades de inmediato e de forma permanente atendendo ao cumprimento do dereito internacional para a solución do conflito palestino-israelí, así como o recoñecemento do Estado palestino. 

1 Segundo os informes titulado “O noso xenocidio” (Our genocide) publicado por B’Tselem, o informe “Destrucción das condición de vida: un análisis  médico do xenocidio” ( “Destruction of Conditions of Life: A Health Analysis of the Gaza Genocide” da ONG Médicos por los Derechos Humanos  (PHR), e os datos d Oficina de Coordinación de Asuntos Humanitarios (OCHA) da ONU. 

2 O último informe "Da economía da ocupación a economía do xenocidio” (From economy of occupation to economy of genocide) (30 de xuño de  2025).